पश्चिम नवलपरासीको रामग्राम नगरपालिकाले मोतियाबिन्दुका बिरामिको निशुल्क शल्यक्रिया गरिदिने भएको छ । मोतियाबिन्दु भएका नगरवासीको निशुल्क शल्यक्रिया गर्न आज नगरपालिकाले परासीमा रहेको डाक्टर विनोद निता कंण्डेल आखाँ अस्पताल संग सम्झौता गरेको छ । नगरपालिकाको सिफारिसमा निशुल्क शल्यक्रिया गर्ने गरी सम्झौता गरिएको नगरपालिकाका प्रमुख प्रशासकिय अधिकृत यम बहादुर कुँवरले जानकारी दिनुभयो । नगरपालिकाले आखाँ अस्पताललाई दुई लाख पचास हजार रुपैयाँ शल्यक्रियाका लागी उपलब्ध गराउने छ । ४६ जनालाई उक्त बजेटमा शल्यक्रिया गर्न सकिने आखाँ अस्पतालका व्यवस्थापक अजय पाण्डेले बताउनुभयो । नगरपालिकाले उपलब्ध गराएको बजेटमा प्रति बिरामि शल्यक्रिया खर्च बापत ११ सय रुपैयाँ अस्पतालले लागत साझेदारीमा व्यर्होने जनाएको छ ।
विशेष गरी आर्थिक अवस्था कमजोर भएकाहरुलाई सहयोग पुगोस् भन्ने हेतुले नगरपालिकाले निशुल्क शल्यक्रियाको व्यवस्था गरेको नगर प्रमुख धनपत यादवले बताउनुभयो । उहाँले तत्कालका लागी बजेटको उपलब्धताको आधारमा ४६ जनाको शल्यक्रिया निशुल्क गरिने र आगामी बजेटमा रकम वृद्धि गरी यो कार्यक्रमलाई थप व्यापक बनाईने यादवले बताउनुभयो । लामो समय सम्म मोतियाबिन्दको उपचार नगर्दा कतिको दृष्टिनै गुम्ने जोखिम पनि देखिएकाले सोहि कुरालाई मध्यनजर गर्दे यस्तो कार्यक्रम सुरु गरिएको उहाँको भनाई छ । नगरपालिकाको सिफारिसको आधारमा अस्पतालले शल्यक्रिया गर्ने जनस्वास्थ्य निरिक्षक सुरज हरिजनले बताउनुभयो ।
यसैगरी नगरपालिकाले आजै रामग्रामबासीलाई निशुल्क रगत उपलब्ध गराउन नेपाल रेडक्रस सोसाईटी संग सम्झौता गरेको छ । रेडक्रशलाई दुई लाख ५० हजार रकम विनियोजन गरी नगरबासीलाई निुशल्क रगत उपलब्ध गराउने गरी सम्झौता भएको नेपाल रेडक्रश सोसाईटी जिल्ला शाखा नवलपरासीका सभापती राजेन्द्र अग्रहरीले जानकारी दिनुभयो । विगतमा पनि निशुल्क रगत उपलब्ध गराउदै आएको बताउदै अग्रहरीले नगरपालिकाले बजेट विनियोजन गरी सहयोग गरेको अग्रहरीले उल्लेख गर्नुभयो ।
गत आर्थिक वर्षमा रामग्रामबासीको लागी मात्रै रेडक्रशले ५ सय ७० पिन्ट रगत निशुल्क उपलब्ध गराएको थियो । नगर प्रमुख यादवले रगत जस्तो अत्यावश्यक कुरामा नगरबासीलाई समस्या नहोस् भन्ने उदेश्यले निशुल्क रगत उपलब्ध गराउने कार्यक्रमलाई निरन्तरता दिईएको बताउनुभयो