

नवलपरासी । बुधवार ईलाका प्रहरी कार्यालय, बेलाटारी र प्रहरी चौकि, बसहियाबाट खटिएको प्रहरी टोलीले लागुऔषध (खैरो हेरोईन) जस्तो पदार्थ सहित एउटा मानिस नियन्त्रणमा लिएको छ ।
जिल्ला नवलपरासी प्रतापपुर गा.पा.४ हरकपुरास्थित नेपाल भारत सिमाना नजिकै भारतबाट नेपालतर्फ पैदल आउंदै गरेको अवस्थामा जिल्ला नवलपरासी प्रतापपुर गा.पा.८ बालुवा टोल बस्ने बर्ष अं.५२ को जगदिश केवटलाई शंका लागि रोकी चेकजाँच गर्दा निजले लगाएको खैरो रंगको पाईन्टको दाहिने खल्तीबाट कालो प्लाष्टिकमा बाधेर लुकाई छिपाई ल्याएको लागूऔषध ब्राउन सुगर (खैरो हिरोईन) जस्तो देखिने पदार्थ ३० पुरीया फेला परेको हो ।
तत्काल पुरिया सहित तौल गर्दा ३५ ग्राम हुन आएकोले निजलाई नियन्त्रणमा लिई रितपुर्वक वरामद पश्चात् थप अनुसन्धान कार्य भई रहेको छ ।
साथै यस कार्यालयबाट साउन महिनामा लागुऔषध सम्वन्धि कसुर मुद्धामा ८ जना मानिस पक्राउ भई निम्न परिणाममा बरामद लागुऔषध सहित सम्मानित जिल्ला अदालत परासिबाट म्याद थप लिई अनुसन्धान भईरहेको छ ।
साउन महिना देखि यता डाईजेपाम १०५ एम्पुल,फेनारगन १०६ एम्पुल,बुप्रिनुर्फिन ९९ एम्पुल,ONEREX 100ml – ९ बोतल,नाईट्राभेट – १९३ ट्याब्लेट,स्पास्मो – १०६२ ट्याव्लेट,ब्राउन सुगर(खैरो हेरोईन) जस्तो पदार्थ – ९.२३० ग्राम बरामद भएको छ ।