पश्चिम नवलपरासी सरावल गाउँपालिकाको आ.ब. २०८०/०८१ को वार्षिक प्रगति समिक्षा कार्यक्रम शुक्रबार सम्पन्न भएको छ। सरावल गाउँपालिकाका जनप्रतिनिधि, शाखा प्रमुख ,वडा सचिवहरुको उपस्थितिमा वार्षिक समिक्षा कार्यक्रम पालिकाको सभा हलमा सम्पन्न भएको हो। सरावल गाउँपालिका प्रमुख प्रशासकीय अधिकृत विशाल मिश्रकाे अध्यक्षता तथा पालिका अध्यक्ष सुखाडी प्रसाद चाैधरीको प्रमुखआतिथ्यतामा कार्यक्रम सम्पन्न भएको थियो।
सो अवसरमा पालिका अध्यक्ष चाैधरीले सम्पूर्ण वडा र शाखाकाे बार्षिक प्रगति राम्रो भएको बताउनुभयो । अब बार्षिक कार्यक्रम बनाउदा वितरण भन्दा गाैरवकाे याेजनामा बिशेष ध्यान दिनुपर्ने निर्देशन दिनुभएको थियो । प्रत्येक वडामा अब बजारीकरणकाे लागि पहल प्रक्रिया अगाडि बढाउने बताउनुभयो । अबदेखि विद्यालय क्षेत्र भित्र सुर्तीजन्य र नशाजन्य पदार्थ विक्रि बितरणकाे मापदण्ड सहित सिमा क्षेत्र निर्धारण गर्नुपर्ने बताउनुभयो । कृषि र आयुर्वेद तर्फ उत्पादनमुखि कार्य गर्न निर्देशन दिनुभयाे। नागरिक वडा पत्र चुस्तदुरुस्त राख्नुपर्ने समेत निर्देशन दिनुभयाे । कर्मचारीबाट काम प्रभावकारी भइरहेको हुनाले अझै सक्रिय साथ लाग्न निर्देशन सहित विकासको जग नै शिक्षा भएकोले अबको शिक्षा परिणाममुखी हुनुपर्ने धारणा राख्दै समृद्ध सरावल बनाउने अभियानमा सबै पक्षको सक्रियताको लागि आह्वान गर्नुभयो।
त्यस्तै पालिका उपाध्यक्ष बासमति हरिजनले काम किन हुन नसकेको कुरा आकलन गरि त्यस काम गर्नमा जागरुक हुन जरुरी रहेको बताउनुभयो । शिक्षाशाखा अझै सक्रिय भएर लाग्नुपर्ने बताउदै सरावल गाउँपालिकामा भएको हालसम्मको उपलब्धिलाई कायम राख्दै थप उपलब्धिको लागि सहमति, सहकार्य र एकताको माध्यमबाट अगाडि बढ्नुपर्ने कुरामाथी जोड दिनुभएको थियो।
समिक्षा कार्यक्रममा सरावल गाउँपालिकाका प्रमुख प्रशासकीय अधिकृत विशाल मिश्राले जनताले अनुभुती गर्नेगरी काम गर्न सबै कर्मचारीहरुलाई निर्देशन दिनुभएको हाे। सेवा प्रवाह चुस्त दुरुस्त गर्न सबैले आआफ्नो ठाउँबाट लाग्नुपर्ने बताउदै वास्तविक लाभग्राही पहिचान गरेर सेवासुबिधा दिनुपर्ने बताउदै यश कामका लागि हामी सबै तत्परसाथ लाग्नुपर्ने बताउनुभयो । गत आ.ब. मा पालिकामा भएको प्रगति सन्तोषजनक भएको बताउदै आगामी दिनमा अझ बलियो इच्छाशक्तिका साथ सरावललाई समृद्धिको बाटोमा लगिने जिकिर गर्नुभयो।
वार्षिक समिक्षा कार्यक्रममा सरावल गाउँपालिका अन्तर्गतका शाखा प्रमुखहरुले गत आ.ब.को प्रगति विवरण प्रस्तुत गर्नुभएको थियो। भने वडा सचिवहरुले वडाकाे प्रगति विवरण प्रस्तुत गर्नुभएको थियो।
आ.ब. २०८०/०८१ मा कुल ५६ कराेड ६० लाख २५ हजार ८ सय ४१ . ६४ रुपैया रहेको बजेटमा ४६ कराेड ३८ लाख ४७ हजार ६ सय ९८ .५१ रुपैया बराबरको वित्तिय प्रगति हासिल गर्दा कुल बजेटकाे ८१.९४ प्रतिशत बजेट खर्च भएको हाे। वार्षिक समिक्षा कार्यक्रमकाे सहजिकरण उद्यम बिकास शाखा प्रमुख राजन बस्यालले गर्नुभएको थियो ।